Саясат

Біздің келесі салалардағы саясатымыз

Халал ОПС «ХАЛАЛ ДАМУ» ЖШС – сәйкестікті растау, мұсылмандарды сертификатталған тиісті халал өнімдерімен және қызметтерімен қамтамасыз ету арқылы қызметкерлердің айрықша білімі мен құзыретіне ие стандарттау және сертификаттау ұйымы.

Сертификаттау жөніндегі ұйымның саясаты барлық мүдделі тараптардың оның қызметі ҚР СТ OIC/SMIIC 2-2022, ISO/IEC 17065, ISO/IEC 17021 талаптарына жауап беретініне сенімділігін қамтамасыз етуге негізделеді.

Сертификаттау жөніндегі органның мақсаттары:

халал өнімнің Ислам талаптары мен ережелеріне, сондай-ақ халал өнімнің сәйкестігін бағалау бөлігінде заңнамалық талаптар мен стандарттардың талаптарына сәйкестігін растау заңдарын, нормалары мен рәсімдерін қатал сақтау;
халал өнімнің сәйкестігін растау жөніндегі жұмыстарды жүргізу кезінде бейтараптық, құзыреттілік, құпиялылық, ашықтық қағидаттарын сақтау және кемсітушілікке жол бермеу;
сәйкестікті растау жөніндегі жұмыстарды ұйымдастырудағы объективтілік, ашықтық, жүйелілік;
мүдделерді барынша есепке алу және тапсырыс берушілердің қанағаттанушылығын арттыру;
«Халал Даму» стандарттау және сертификаттау ұйымы қызметкерлерінің тұрақты қаржылық-экономикалық дамуын және әлеуметтік қорғалуын қамтамасыз ету.

Осы мақсаттарға қол жеткізу мынадай міндеттермен қамтамасыз етіледі:

өнімнің сәйкестігін растау процесін жүргізу және сәйкестікті растау саласындағы заңнамалық және басқа да міндетті талаптармен регламенттелген ережелер бойынша Ислам ережелерін орындау;
тәжірибелі мұсылмандардан құралған білікті және құзыретті персоналдың болуы;
сәйкестікті растау жөніндегі жұмыстарды жүргізу кезінде бейтараптық пен тәуелсіздік қағидатын сақтауды қамтамасыз ететін сертификаттау жөніндегі органның қажетті ұйымдық құрылымының болуы;
халалды сертификаттау мәселелері бойынша тапсырыс берушілермен ақпарат алмасудың өнімді схемаларын қамтамасыз ету, нарықты және оның сегменттерін анықтау үшін ақпаратты жинау және талдау, қазіргі уақытта ОПШ жұмыс істейді және болашақта жұмыс істеуді жоспарлап отыр;
тапсырыс берушілердің қанағаттанушылығын арттыру және мүдделі тараптардың өтініштеріне жедел ден қою;
ақпараттың құпиялылығын сақтау;
халал өнімнің сәйкестігін растау жөніндегі қызметті жүзеге асыру кезінде тәуекелдерді жүйелі сәйкестендіру, бағалау және басқару.

«Халал Даму» стандарттау және сертификаттау ұйымы персоналы Ислам этикасына құрмет көрсетіп, Ислам ережелерінің сапа саясаты мен негізгі қағидаттарын түсінеді және қолдайды, бүкіл қызмет барысында мұсылмандық міндеттердің сақталуын қамтамасыз етеді.

Органның басшысы өнімнің халал талаптарына сәйкестігін растау рәсімін сақтаудың маңыздылығын түсіне отырып, осы саясатты іске асыру үшін қажетті жағдайларды, құралдар мен ресурстарды қамтамасыз ету үшін жауапкершілікті өзіне алады, оны «Халал Даму» стандарттау және сертификаттау ұйымы барлық персоналына жеткізуге міндеттенеді және бұлжытпай орындауды талап етеді.

Аудит және сертификаттау процесінде алынған барлық ақпарат құпия болып табылады.

Штаттық және штаттан тыс қызметкерлердің аудит, сертификаттау, сондай-ақ клиенттермен кез келген өзара іс-қимыл кезінде алған барлық ақпараты құпия болып саналады. Ол ақпаратқа қатысы бар тараптың жазбаша келісімінсіз үшінші тұлғаларға жария етілмейді.

Ақпараттың құпиялылығын қамтамасыз ету талаптары біздің орталықтың қызметін тексеруге уәкілетті ұйымдарға (аккредиттеу органдарына) да қолданылады.

Құпия ақпаратты ашу заңнамада көзделген жағдайларда, бұл туралы клиентке алдын ала хабарланғаннан кейін ғана жүзеге асырылады.

Сертификаттауға қатысты барлық ақпаратқа, құжаттамалар мен жазбаларға тек рұқсаты бар қызметкерлер ғана қол жеткізе алады. Ақпараттың қауіпсіздігі мен сақталуына толық кепілдік беріледі.

Бейтараптықты тиімді басқару — клиенттеріміз бен қоғам сенім артатын сертификаттау қызметінің маңызды аспектілерінің бірі.

Біздің орталық нарықтың түрлі салаларында «Халал» сертификаттау қызметін ұсынады және өз клиенттерін сертификаттауға қатысты қабылданған барлық шешімдер үшін жауапты болады.

Біздің мақсатымыз — әділдік, жауапкершілік және бейтараптық принциптеріне толық сәйкес келетін қызметтерді ұсыну. Іс-әрекеттеріміздің объективтілігін сақтау үшін біз бейтараптыққа төнетін барлық қауіптерді анықтап, жойып отырамыз.

Бейтараптыққа нұқсан келтіретін тәуекелдер анықталған жағдайда, орталық оларды жою немесе барынша азайту бойынша шұғыл шаралар қабылдайды.

Орталықта эксперт-аудиторлардың жұмыс барысында тәуелсіздік пен объективтілікті сақтауын, сондай-ақ оларда коммерциялық, қаржылық немесе басқа да мүдделердің болмауын қадағалайтын жоғары басқару органдары жұмыс істейді.

Қызмет қағидаттары

Біз OIC/SMIIC 2 халықаралық талаптарына сәйкес келетін жоғары деңгейдегі «Халал» сертификаттау қызметтерін ұсынамыз.

Бейтараптық

Біз тәуелсіз және бейтарап «Халал» сертификаттау органы болып табыламыз. Барлық шешімдер мүдделі тараптардың ықпалымен емес, сәйкестіктің немесе сәйкессіздіктің объективті дәлелдері негізінде қабылданады.

Құзыреттілік

Орталықтың штаттық қызметкерлері «Халал» аудиті мен сертификаттауын жүргізу үшін қажетті білімге ие. Біз тартылатын сарапшы-аудиторлардың білімі мен тәжірибесіне қойылатын жоғары талаптарды ұстанамыз.

Ашықтық

Біздің орталық жүргізілетін «Халал» сертификаттауына деген сенімділік пен оның шынайылығын қамтамасыз ету мақсатында аудит нәтижелері туралы ақпараттың ашықтығын қамтамасыз етеді.

Құпиялылық

Сертификаттау органымыз клиенттерден алынған ақпарат пен деректерді басқаруға жауапты. Клиенттерден алынған барлық мәліметтер құпия болып табылады.

Шағымдармен жұмыс

Сертификаттау орталығына деген сенім келіп түскен шағымдар мен апелляциялармен тиісті деңгейде жұмыс істеу арқылы нығаяды. Шағымдармен жұмыс істеу — клиент пен тұтынушыларды сертификаттау процесінде жіберілуі мүмкін қателіктерден қорғаудың тиімді құралы.

Дискриминациясыз шарттар

Барлық компаниялар «Халал» сертификатын алуға өтінім беруге құқылы. Біздің орталық сертификаттаудың жоғары сапалы нәтижелерін қамтамасыз ету үшін клиенттерді ешқандай белгілері бойынша алаламайды (дискриминация жасамайды).